Plásticos Arias tivo os seus comezos alá polos anos 60 nunhas pequenas instalacións da cidade de Lugo. No 1983 constitúese como sociedade limitada e trasládase ó polígono industrial "O Ceao", onde actualmente ocupa unha superficie de 5000 metros cadrados.
A súa actividade principal é a fabricación e impresión de bolsas de plástico, que complementa coa comercialización doutros produtos.
A filosofía da empresa é responsabilizar a tódolos seus departamentos, co obxectivo de tentar ofertar uns produtos de calidade e o mellor servizo ó cliente.